[土炮系列] 是咁的，依家越來越多連鎖國際品牌，想搵番啲有本土特色嘅產品都真係幾難！咁岩今日去到賽馬會創意藝術中心，見到隻香港釀製嘅啤酒，仲要係龍眼味，咁特別，梗係要買來試吓啦！
一啖飲落去，一個字，甘！ （嗱嗱嗱！我唔係話佢難飲呀！ ）佢麥味真係好香好濃！可能因為我一路諗住佢係龍眼味，應該好甜，所以第一啖飲落去都有少少苦。佢個龍眼味唔係一飲落去就會感覺到，而係個after taste! 飲咗啖啤酒落肚之後就會有一陣微微嘅龍眼味湧上黎。講真，龍眼味同麥味又真係幾夾喎！老老實實，唔知啤酒個味係幾特別，但因為佢個味道偏向麻甩，斯文如我，或者女仔就可能未必鍾意飲喇！
其實呢枝酒要成HKD$40都真係幾貴，不過如果你鐘意比較濃既啤酒味，又鐘意支持香港本土既產物，你就可以考慮下去試一試喇！
喜點生活
香港石硤尾白田賽馬會創意藝術中心1樓
Search